الهموم اللي ليا غبت تحضر
وأن حضرت تغيب ياكل الحنين
لا تخليني ترى مالك عذر
لا تقول الوقت والدنيا تزين
الدقيقه يوم والساعه شهر
وكل لحظة هجر بالصبر أستعين
وش تفيد العين لاغاب البصر
عين ماشوفك بها ماهي بعين
والطعون اللي من الفرقا خضر
لا يجددها الجفا في طعنتين
العمر دونك ترى والله قهر
وبوح صمتي ردّدة صوتً حزين
كيف أعيش العمر وغيابك عمر
بين هم وسهد وآهات وأنين
ويحتدم بين الحنايا وينصهر
هاجس الحرمان بأعماق الكنين
لا تواعّدني على درب السفر
لا تحّراني وأنا عذري سمين
مركب الآمال يحّداه الخطر
والمصاعب من يسار ومن يمين
بالنهار النور وبالليل الستر
والليالي بين زين وبين شين
الامل موجود لو طال الصبر
ماعترف باليأس غير اليائسين
لو يعيش الحلم والا ينتحر
وآصلين اللي نحبة وآصلين
بالنهاية كل قاسي للكسر
وخافقي لاينكسر ضيم وحنين