ماجيت أطلبك ترد لي واترجاك
ولا جيت اطلب الرضا من عيونك
**
جيتك أقول اليوم أنا ما ابغاك
رد لي قلبي وخلك بكونك
**
لي عزة نفس وقيمه تعداك
ولي رجاحة عقل ما تطاوع جنونك
**
ولي قدر يا صغير القدر يعلاك
ولي همه اكبر من ظنونك
**
أنا أبرحل وأتركك وأتناساك
وأتركك مع ناس تحسبهم يبونك
**
ولا تحسب إني بيوم بحن لذكراك
والله مارجع للجروح وطعونك
**
ولا تحسب إني ما اقدر أعيش بلياك
ولا اقدر أكمل رحله العمر بدونك
**
غرك نداء الحساد هذا وذاك
وهزت رياح الجفاء عالي غصونك
**
يا كيف تبيع اللي بالغالي شراك
وارخص المال والروح من دونك
**
ثلاث سنين وقلبي في وسط يمناك
تلعبه على كيفك وأقول مفتونك
**
ايام وليالي منيتي بس رضاك
تطلب وتآمر وأقول يا عونك
**
لكن جرحتني بقولتك بنساك
ودور لك ارض تلتقي مزونك
**
وبانت لي يا لردي خافي نواياك
ولا صنت قلب دايم يصونك
**
والله ثم والله لحرق حشاك
وارد لك كل الجروح وطعونك
**
اعرف أنا طبك واعرف دواك
واعرف اذوقك العذاب باقي سنونك
**
واليوم أبرحل عنك وأتحداك
ما تحن لشوفتي وتدمع عيونك
موضوع: ***لي عزة نفس وقيمه تعداك*** 
الإثنين نوفمبر 08, 2010 12:16 am
غاب نوره فيكِ التميز خصلةٍ من سجاياكِ وشعري بوصفك صعب يرضي غروره يافرحة المهموم لحل طرياكِ يفز لكِ قلبه ويبدي سروره يا روعة كأن الورد ذاب بشفاياكِ وريقك عسل يسقي نواير زهوره فيكِ الحلا والملح والزين غطـاكِ ربي عطاكِ من الحلا زين حوره الطيب منكِ وفيكِ ويرجع ليمناكِ ومن الذهب يمناكِ تنقش سطوره لو قارنوا زين البنات مع حلاياكِ أنتِ الأصل
